Geld und Glück

1.  Irgndwann kummt jeda an den Punkt,
wo ea se eansthaft frogt:
Is as Geld denn wiakle weat,
dass ma ständich nachejogt?
Und je mea ma driwa nachdenkt,
um so deitlicha wiad oam,
ned a jeda braucht a Rolex
und an riesn Luxuskoan.

REFRAIN:
Ma hetzt duachs Lem, schaut ned nach links oda rechts,
sondan nua nach voan und om,
wal da drom hängt a Fünfhundata,
und den mächt ma unbedingt hom.

2.    Dea Gedankn lasst oan koan Rua mea,
wenn ma s’Iwaleng eascht ogfangt hod.
Ma erkennt, wos ma braucht und wos ned,
um a boa platzte Träume is ned schod.
Wemma d’Anschprich a bissl zruckschraubt,
se ned da Macht des Mammons beigt,
befüacht a jeda, dass eam schlechta geht,
doch de Lebnsqualität de steigt!

REFRAIN

3.    Da Druck der Medien is massiv wia nie,
Weabestrategen de woin suggerian,
wiaklich glücklich macht nua dea Konsum,
die Dauaweabung brennt se ei ins Hian.
Füa so Manchn wiad des etz nei sei,
nua de Wenigstn wissns scho lang,
doch Tatsach is, zwischn Geld und Glick
gibt’s koan Zusammenhang!

REFRAIN

© www.jonnybeer.de